Ամառային ճամբարի հերթական խումբը վերադարձավ Սևանի «Ժայռ» ռազմամարզական ճամբարից: «Ժայռ» ռազմամարզական ճամբարը, որ արդեն ճանաչված է և էլ ուրիշ ինչո՞վ պետք է առանձնանա նախորդներից։ Բայց ամեն անգամ ստացվում է սպասվածից էլ ավելի հետաքրքիր, ավելի նոր, չփորձված, ավելի կանչող… Ավագ դպրոցի սովորողները կարողանում են բացահայտել իրենց համար նոր հետաքրքրություններ, խնդիրներ: Ի՜նչ ոգևորող էր մեր շուշեցի հյուրերի ուրախ արձագանքը… պետք է տեսնեիք նրանց զարմացած հայացքները՝ ինչպե՞ս, այսքա՞ն անմիջական։ Ճամբարում հետաքրքիր ուսումնական պարապմունքներ էին սպասվում՝ ճաշից հետո ռազմական խաղ, լող, հրաձգություն, երեկոյան հավաք։ Սովորողները կներկայացնեն իրենց տպավորություններն ու ձեռքբերումները ճամբարային առօրյայից, որը ներառում էր ադյունավետ հանգստի բոլոր տարրերը՝ լող, լողուսուցում, արշավային հմտությունների ձեռքբերում, մարզական խաղեր, ընթերցողական նախագիծ, թիավարություն, հրաձգություն, միջավայրի բնապահպանական խնդիրների ծանոթացում, ակտիվ ժամանց։ Սա լավ հնարավորություն էր տարատարիք սովորողների շփման, նոր ընկերների ձեռքբերման ու հմտությունների փոխանցման համար։ Ամեն ինչ՝ խոհանոց, խաղ, աշխատանք, շրջակա միջավայրի մաքրություն, քննարկում և մտերմիկ զրույց խարույկի շուրջ, կատարվում էր միասին, իրար օգնելով, սովորելով ու սովորեցնելով:
Ինա Միրզոյան «Ճամբարային երեք օր «Ժայռում»»
Մեր առօրյան նկարաշարով,պատումները՝ շուտով:
Ուսումնական բլոգ 