Ընթերցողական նախագիծ
Նոյեմբերի 1-18
- Վանո Սիրադեղյան
- Վանո Սիրադեղյանի արդի մտքերը
- Գրել է 20 տարի առաջ
- Հարցազրույց
- Գևորգ Ստամբոլցյան. հեղինակային ծրագիր
Վանո Սիրադեղյան. «Գյադաների ժամանակը»
«Հիմա օրենքից խոսելը նույնն է, թե ավերիչ երկրաշարժի հաջորդ օրը կշտամբես քաղաքացիներին, որ փողոցը անցման տեղերով չեն անցնում:
Կամ նեղանաս քաղաքապետարանից, որ մյուս առավոտ զիբիլը ժամանակին չի տարել, երբ ողջ քաղաքն է դարձել աղբակույտ:
Հիմա գյադաների ժամանակն է: Եւ մի կարճ ժամանակ էլ դեռ այդպես կլինի: Եւ այդպիսի ժամանակներում, երբ հերոսները բանտում են կամ հողի տակ, երբ դեռ խրամատները Ազգային ժողովի շենքից հեռու են հարյուրավոր կիլոմետրերով, գյադաները, այսպես, պիտի կամուֆլյաժե բիկինի հագնեն ու պուտանկի խրոխտ մարշով գնա՜ն-գան իշխանության միջանցքներում: Գնան ու գան: Գնան ու գան»։
Նպատակը՝
- ստեղծագործությունների նկատմամբ հետաքրքրության խթանում, պատմվածքների ընթերցում,
- գրողի գործունեության բազմակողմանի ուսումնասիրություն, տարածում,
- հաղորդակցման հմտությունների զարգացում
- ասված խոսքի հիմնավորում, ստեղծական մտածողություն
Խնդիրները՝
- մասնագիտական բառարանների, գիտահանրամատչելի, հանրագիտարանային գրականության, Վիքիդարանի և հանրագիտարանային հայալեզու, ինչպես նաև՝ օտարալեզու կայքերի գործածում
- լեզվագործունեությունը ընթերցանության ժամերին
- ինքնագործունեության խթանում
- ինքնուրույն աշխատանքի համար հմտությունների զարգացում
Պատմվածքներին վերաբերող առաջադրանքներ
- Հեղինակի մասին մասին հետաքրքիր փաստեր գտի՛ր համացանցից և տեղադրի՛ր քո բլոգում։
- Վերլուծի՛ր երկու-երեք պատմվածք՝ արտահայտելով քո վերաբերմունքը, գտի՛ր թեմայի և ասելիքի նմանություններն ու տարբերությունները, գրի՛ր նաև պատմվածքներին բնորոշ ոճի մասին։
- Պատմվածքներից առանձնացրո՛ւ այն տողերը, մտքերը, որոնք կարևորում ես, որոնք քեզ մտածել են տալիս։
- Ընթերցանության համար նյութ ընտրի՛ր առաջարկվող ցանկից, ընտրի՛ր քո ցանկությամբ։
- Առաջարկի՛ր կարդալ ուրիշներին։
- դուրս գրել անծանոթ բառերն ու բացատրել բառարանի օգնությամբ
- ո՞րն է պատմվածքի(ների) արտահայտած գաղափարը
- քեզ դուր եկած պատմվածքից(ներից) ընտրի՛ր հատվածներ, կարդա՛, ձայնագրի՛ր, փորձի՛ր ներկայացնել որպես կինոպոեզիա
Վանո Սիրադեղյան, «Ձեռքդ ետ տար ցավի վրայից»
- Կարդա՛ «Սիրելու ժամանակը» պատմվածքը։
- Մեկնաբանիր «Նա քաջ գիտեր առաջին զարկի առավելությունը, բայց չէր կարող առանց ուղեղի մթանգնումի մարդու աչքերին նայել ու խփել եւ, որպես կանոն, առաջինը խփում էին իրեն»։ նախադասությունը։
- Բնութագրիր տղային ըստ հետևյալ տողերի. «Եթե առաջ կարելի էր անձնական վիրավորվածությանը կարեւորություն այնքան էլ չտալ, կարելի էր մի բան էլ կուլ տալ, ― հիմա ուրիշ էր։ Իր արժանապատվությունը այսուհետեւ իրենից բացի վերաբերելու է նաեւ մեկին»։
- Ինչո՞ւ է տղան որոշում, որ «Ելքը այն էր, որ հակակշիռ թշնամանքով մտասեւեռվեր, թշնամանքի օդով սնվելով՝ իր կորովը տեղը պահեր․․․»։
- Գտիր հատվածները, որտեղ երևում է, որ տղան պատրաստվում էր սպասվելիք կռվին։
- Էսսե գրիր՝ «Արժանապատվություն, թե՞ պատասխանատվություն» թեմայով։
Նախագիծն իրականցվելու է մի քանի փուլով։
Առաջին փուլ- ընթերցանություն. ծանոթանում ենք Վ.Սիրադեղյանի ստեղծագործություններին, ընտրություն կատարում— արդյունքներ
Երկրորդ փուլ- քննարկումներ դասարանում, կարծիքներ, վերլուծություններ
Երրորդ փուլ- աշխատանքների ներկայացում բլոգներում
Չորրորդ փուլ- կլոր սեղան ավագ դպրոցի ընթերցասրահում— ներկայացնում են սովորողները
Արդյունքների ամփոփում բլոգներում, Ավագ դպրոցի ենթակայքում:
Ուսումնական բլոգ 